З вытокаў роднай мовы

2021-02-22

21 лютага ва ўсім свеце адзначаюць Міжнародны дзень роднай мовы.

Напярэдадні гэтай даты на базе аддзялення дзённага знаходжання для інвалідаў установы «Цэнтр сацыяльнага абслугоўвання насельніцтва Ленінскага раёна г. Магілёва» па адрасе бульвар Юбілейны, 5 праведзена пасяджэнне літаратурнай гасцёўні.

Супрацоўнікі бібліятэкі імя М. Ю. Лермантава падрыхтавалі цікавую інтэрактыўную праграму з мультымедыйнай прэзентацыяй, правядзеннем віктарын, загадак, чытаннем вершаў беларускіх аўтараў і інш.
Усе ўдзельнікі сустрэчы з радасцю і натхненнем выконвалі заданні, бо гэтая дата добрая нагода вымавіць словы любові і павагі да сваёй роднай мовы — беларускай.

Наша мова — гэта мова знакамітай гісторыі і культуры, высокай духоўнасці. Імёны Францыска Скарыны, Янкі Купалы і Якуба Коласа, Максіма Багдановіча, Петруся Броўкі і Кандрата Крапівы, Уладзіміра Караткевіча, Івана Шамякіна і Андрэя Макаёнка, а таксама яшчэ многіх-многіх беларускіх паэтаў і пісьменнікаў увайшлі ў скарбонку сусветнай моўнай культуры.

Роднае слова — першае, што мы чуем, калі нараджаемся, тое, што мы ўсталёўваем ад сваіх продкаў і тое, што мы павінны беражліва і кранальна несці праз усё сваё жыццё.

Дзеўбунова Алена
загадчык аддзялення дзённага знаходжання для інвалідаў
установы «ЦСАН Ленінскага раёна г. Магілёва»