Вясна прыйшла з кветкамі

2016-03-22

У дзіцячы садок № 86 г. Магілёва вясна прыйшла разам з птушкамі і кветкамі, якія з’явіліся на выставе сумеснай творчасці «Падарункі вясны».

Выкананыя ў розных тэхніках, яркія і лагодныя букеты, святочныя паштоўкі і кампазіцыі дораць наведвальнікам выставы добры настрой, захапляюць прыгажосцю і разнастайнасцю.

Ствараючы свае работы, юныя майстры прымянялі розныя матэрыялы: паперу, картон, бісер, гузікі, крупы, шышкі, марскія ракушкі. Адметна, што большасць работ створаны са скрынак, банак і ўпаковачных матэрыялаў, якія ўжо былі ў выкарыстанні. I гэта яскравы сведак таму, што дашкаляты праяўляюць не толькі творчыя здольнасці, але і разумныя адносіны да смецця, беражлівасць да прадметаў рукатворнага свету.

В.В. Iрванцова,
намеснік загадчыка па асноўнай дзейнасці