Я- грамадзянін Рэспублікі Беларусь

2015-03-18

Пад такой назвай 14 сакавіка ў актавай зале дзяржаўнай установы адукацыі "Сярэдняя школа № 35 г. Магілёва«для вучняў 7-х класаў прайшло пазакласнае мерапрыемства напярэдадні важнейшага дзяржаўнага свята — Дня Канстытуцыі Рэспублікі Беларусь. Сфарміраваць у вучняў разуменне сутнасці і значэнне Канстытуцыі і дзяржаўных сімвалаў — асноўная мэта мерапрыемства.

Інфармацыя была падзелена на тэматычныя блокі: з гісторыі канстытуцыйнага ладу Беларусі, канстытуцыйныя рэформы, будова Канстытуцыі. Выступленне вучняў суправаджалася музычнымі нумарамі і прэзентацыяй, якія садзейнічалі лепшаму замацаванню матэрыяла.

У зале была арганізавана выстава літаратуры па тэме «15 сакавіка-Дзень Канстытуцыі Рэспублікі Беларусь». У форме гульні вучні замацавалі веды аб Канстытуцыі, пашырылі свой кругагляд і агульную культуру. Таксама былі агучаны і некаторыя артыкулы Канстытуцыі нашай краіны.

Завяршылася мерапрыемства віктарынай, у якой вучні прадэманстравалі свае веды пра асноўныя паняцці, назначэнне і функцыі Канстытуцыі Рэспублікі Беларусь.

І.У. Панфіловіч