"Дзень роднай мовы"

2015-02-24

Традыцыйна ў дзяржаўнай установе адукацыі «Сярэдняя школа № 31 г. Магілёва» адзначаецца Міжнародны дзень роднай мовы.

Гэты год не стаў выключэннем: з самай раніцы панавала атмасфера свята, свята мовы, свята роднага слова. Старшакласнікі раздавалі лістоўкі «Размаўляй са мной па-беларуску!». На працягу дня мілагучная матчына мова гучала не толькі на ўроках беларускай мовы і літаратуры, але і на ўроках гісторыі, геаграфіі.

Напярэдадні свята быў аформлены стэнд «Любім! Шануем! Размаўляем па-беларуску!», на якім былі змешчаны матэрыялы пра гісторыю свята, уласныя вершы вучняў школы, дзіцячыя праекты, прысвечаныя роднаму слову.

Добрая традыцыя берагчы сваё, ганарыцца родным, захапляцца лепшым працягвае жыць!

Настаўніца беларускай мовы і літаратуры
Шэндзерава Іна Сяргееўна