У дзіцячай установе "Яслі-сад №94 г. Магілёва прайшло свята Вялікдзень

2014-04-21

У дзіцячай установе «Яслі-сад № 94 г. Магілёва» прайшло мепрапрыемства, падчас якога дзеці ў гульнёвай форме даведаліся аб гісторыі ўзнікнення, традыцыях святкавання свята Вялікадня.

Выхаванцы атрымалі веды аб тым, што з’яўляецца сімвалам свята. Курачка-нясушка ў даступнай для дзяцей форме распавядала легенду «Чаму яйкі фарбуюць», расказвала, чаму да гэтага свята ставіліся і ставяцца з асаблівым шанаваннем, аб велікоднай радасці, якую дзеляць з блізкімі і сябрамі.

Вясна разам з удзельнікамі мерапрыемства вадзіла карагод, прапанавала гульні «Данясі яйка», «Горка», «Залатыя вароты». А гаспадыня вучыла дзяцей, як пячы кулічы і фарбаваць яйкі.

Выхаванцы з радасцю і цікавасцю адправіліся ў групы рыхтаваць падарункі сваім блізкім да Светлага свята.