Выхоўваем нацыянальную самасвядомасць

2020-03-25

Найважнейшай умовай развіцця любога народа з’яўляецца паважлівае стаўленне да сваёй гісторыі, культуры, традыцый. Выхаванне нацыянальнай самасвядомасці, гатоўнасці захоўваць і развіваць нацыянальную спадчыну-найважнейшая задача ўсіх сацыяльных інстытутаў грамадства.

У рамках рэалізацыі гадавой задачы па фарміраванні нацыянальнай самасвядомасці ў выхаванцаў з дапамогай мастацкай дзейнасці ва ўстанове адукацыі «Яслі-сад № 34 г.Магілёва» ужо другі год функцыянуе клуб «Спадчына». Прымаючы ўдзел у працы клуба, дзеці разам з бацькамі знаёмяцца са звычаямі і традыцыямі свайго народа, беларускім фальклорам, дэкаратыўна-прыкладным мастацтвам, далучаюцца да народных гульняў, вучацца разумець сваю родную мову.

На чарговым пасяджэнні клуба выхаванцы сярэдніх груп разам з бацькамі паспрабавалі свае сілы ў конкурсах і народных гульнях, вырабілі пано з саломы, з песнямі і танцамі цікава і з карысцю правялі час. Мы ўпэўненыя, што толькі дзякуючы сумесным намаганням педагогаў і бацькоў, магчыма дасягнуць станоўчага выніку ў фарміраванні ў дзяцей нацыянальнай самасвядомасці.

Т.Г.Емяльянава, загадчык дзяржаўнай
установы адукацыi «Яслі-сад № 34 г.Магілёва»