Героі беларускіх казак

2018-05-29

У беларускі чацвер бібліятэкары дзяржаўнай установы адукацыі «Сярэдняя школа № 40 г. Магілёва» падрыхтавалі выставу малюнкаў удзельнікаў конкурсу «Героі беларускіх казак».

Навучэнцы з задавальненнем прынялі ўдзел у конкурсе, дзе трэба было спачатку прачытаць любую беларускую казку, народную ці аўтарскую, а потым намаляваць выбранага героя. Маляваць можна было алоўкамі, фламастарамі або фарбамі. Хлопчыкі і дзяўчынкі вельмі стараліся, і ўсе, хто ўдзельнічаў, атрымалі прыемныя падарункі і граматы.

Дзеці вельмі любяць маляваць, а мы праз арганізацыю такіх конкурсаў стараемся прыцягнуць іх увагу да кнігі. На гэты раз да беларускай. І лічым, што гэта ў нас атрымоўваецца, таму што мы адразу чуем пытанне ад дзяцей: «Калі ўжо наступны конкурс?». А каб даведацца аб наступным конкурсе, трэба проста часцей прыходзіць да нас у бібліятэку.

Парфёнава Алеся і Мільто Наталля