Шлях да нябёсаў

2018-03-16

У будынку музея этнаграфіі, філіяле краязнаўчага музея горада Магілёва, размясцілася выстава, прысвечаная работам магілёўскага мастака Аляксандра Суворава.

Сюды і накіраваліся вучні 9 класа пад кіраўніцтвам настаўніцы гісторыі і грамадазнаўства ДУА «Сярэдняя школа № 35 г.Магілёва» Лявіцкай І.А. Музейная экспазіцыя ўразіла сваім мастацкім багаццем, тэматычнай незвычайнасцю і асобай аўтара, пра якога вучням паведамілі супрацоўнікі музея. Мастак працуе, не толькі ствараючы жывапісныя і графічныя палотны ў рознай жанравай тэматыцы, але і займаецца роспісам помнікаў архітэктуры.

Можна шмат гаварыць пра выставу «Лесвіца ў неба», але яе наведвальнікі, вучні школы, раюць кожнаму пабываць на ёй і падзяліцца сваімі ўражаннямі.

Тройнікаў Трафім, вучань 10 класа