Профільнае навучанне – шлях да пазнання свету прафесіі

2018-03-02

У дзяржаўнай установе адукацыі «Сярэдняя школа № 26 г. Магілёва» адбыўся абласны семінар.

Удзельнікамі семінара сталі слухачы курсаў для настаўнікаў беларускай мовы і літаратуры Магілёўскага дзяржаўнага абласнога інстытута развіцця адукацыі. Кіраўнік метадычнага аб’яднання Супіталёва Ніна Канстанцінаўна і настаўнік беларускай мовы і літаратуры Хамянкова Вольга Уладзіміраўна ў дыялагічнай форме расказалі пра дзейнасць настаўніка па фарміраванні ўсвядомленага выбару вучнямі профілю навучання на ІІІ ступені агульнай сярэдняй адукацыі, асаблівую ўвагу спынілі на праблеме сацыяльна-псіхалагічнай адаптацыі. Вучаніцы 11 класа Станкевіч Людміла і Сюркіна Паліна падзяліліся вопытам вядзення партфоліа, якое дапамагло ім сфарміраваць жыццёвыя планы, перспектывы, узровень адукацыйнага росту. Малады настаўнік Тамулёніс Юлія Андрэеўна спыніла ўвагу на формах і метадах работы настаўніка па актывізацыі пазнавальнай дзейнсці вучняў падчас дапрофільнай падрыхтоўкі. Удзельнікі семінара прыйшлі да высновы, што арганізацыя профільнага навучання спрыяе самастойнаму і ўсвядомленаму выбару прафесійнага шляху.

Кіраўнік метадычнага аб’ яднання
Супіталёва Ніна Канстанцінаўна