Яшчэ раз аб праблеме папулярызацыі беларускай мовы

2017-12-19

15 снежня бягучага года на базе дзяржаўнай установы адукацыі «Сярэдняя школа № 11 г. Магілёва» адбылася кансультацыя для намеснікаў дырэктараў па вучэбнай рабоце (пачатковыя класы) школ горада на тэму «Стварэнне ўмоў для папулярызацыі і пашырэння сферы выкарыстання беларускай мовы з мэтай далучэння вучняў да нацыянальнай культуры».

Намеснік дырэктара па вучэбнай рабоце сярэдняй школы № 11 г. Магілёва Салавей А.Ф. пазнаёміў прысутных з асаблівасцямі арганізацыі працы ў дадзеным накірунку, прадставіў калегам панараму педагагічнага вопыту настаўнікаў школы ў рабоце па папулярызацыі і пашырэнні сферы выкарыстання беларускай мовы.

Для наведвальнікаў кансультацыі была арганізавана экскурсія па школьным музеі абароны г. Магілёва ў ліпені 1941 года.

Анастасьева Т.А.,
намеснік дырэктара па вучэбнай рабоце