Магілёўскі музей этнаграфіі завітаў у госці

2017-10-09

5 кастрычнiка, у беларускамоўны чацвер, да вучняў першых класаў завітаў Магілёўскі музей этнаграфіі.

Разам з настаўнікамі Лепік І.С., Раманавай Л.В., Кулікоўскай О.У., Буевіч Ю.У. супрацоўнікі музея падрыхтавалі сапраўднае свята. Знаёміцца з культурнымі каштоўнасцямі краіны нашы вучні пачалі з нацыянальнага касцюма і ручніка.

Традыцыйны касцюм з’яўляецца своеасабівай візітнай карткай беларусаў. Маленькія грамадзяне разважалі: хто такі беларус? Што адрознівае беларусаў ад людзей іншых нацыянальнасцей? Хоць адказаць на гэта пытанне было і цяжка, аднак нашы маленькія таленты ўсе ж назвалі некаторыя досыць тыповыя рысы, уласцівыя народнаму характару. Цікава тое, што знайсці адказы на гэтыя цяжкія пытанні дапамагло дэталёвае разгляданне нацыянальнага касцюма.

Нам жа, настаўнікам, хацелася б, каб у жыцці нашых вучняў ніколі не настала такая сумная часіна, якая адарвала б іх ад роднай культуры, роднай зямлі; каб радасць адзінства з Радзімай заўседы жыла ў іх душах.

Настаўнікі першых класаў:
Клепік И.С., Раманава Л.В., Кулікоўская О.У., Буевіч Ю.У.