Фальклорныя гульні ў суботу

2017-09-19

У нашы дні беларускія традыцыі і звычаі не забытыя. Дзеці з задавальненнем цікавяцца гісторыяй і звычаямі продкаў.

Вось чаму з ахвотаю вучні 6"Б" і 7"А" класа сярэдняй школы № 26 г. Магілёва прыйшлі ў суботу 16 верасня для ўдзелу ў дзіцячых фальклорных гульнях.

Народныя гульні адыгрываюць вялікую ролю ў фарміраванні грамадзянскіх рыс характару дзіцяці. Праз гульню дзеці далучаюцца да радаснага знаёмства з навакольным светам. Мерапрыемства зацікавіла вучняў. Дзеці з задавальненнем развучвалі народныя гульні, вучыліся ў час іх правядзення паважаць адзін аднаго. Ім падабалася і тое, што трэба было актыўна рухацца. Галоўнай мэтай мерапрыемства было далучыць дзяцей да духоўных скарбаў свайго народа. У час мерапрыемства вучні вадзілі карагод з беларускімі песнямі, рыфмоўкамі, прыдумвалі свае гульні з беларускімі назвамі.

Супіталёва Н.К.,
настаўнік беларускай мовы і літаратуры