Жыццё пад зоркай навукі

2017-08-28

Апошнія дні жніўня ў дзяржаўнай установе адукацыі «Сярэдняя школа № 31 г. Магілёва» адметныя своеасаблівай насычанасцю жыцця напярэдадні новага навучальнага года.

Яшчэ не празвінеў першы званок на першы ўрок, а школьнае жыццё працягвае крочыць па сваіх цікава-карысных шляхах.

Школьная бібліятэка працуе плённа, дзяцей чакаюць цёплыя сустрэчы з кнігай, працуе рамонтная брыгада «Планета Кнігалюб».

Тых, хто жадае адпачыць напрыканцы лета, чакае пакой, дзе можна пагуляць у шашкі, шахматы. Ці мала чаго яшчэ?

Школьны псіхолаг гатовы абмеркаваць розныя пытанні, каторыя цікавяць навучэнцаў, натхніць падрастаючае пакаленне на трывалае засваенне ведаў, на пазітыўнае ўспрыманне жыцця, на гарманічны лад асобы і дзяржавы.
Кіраўнік «Хобі-цэнтр КВЗ» Шусцік К.В. шмат увагі ўдзяляе не толькі іскраметным жартам, незабыўнаму гумару, а і ўмацоўвае сілу духу, раскрывае прыгажосць знешнюю і ўнутраную.

Працуюць вучні на школьным участку, ствараючы прыгажосць ландшафту.
Жыццё пад зоркай навукі працягвае свае крокі ў будучыню.

Настаўніца беларускай мовы і літаратуры
Петрачэнка В.С.