Наведванне “Беларускай хаткі”

2017-04-07

У дзяржаўнай установе адукацыі «Яслі-сад № 67 г. Магілёва» кожны чацвер праходзяць заняткі па адукацыйнай вобласці «Развiццё маўлення i культура маўленчых зносiн».

У «Беларускай хатцы» выхаванцы пашыраюць свае ўяўленні аб відах дэкаратыўна-прыкладнога мастацтва Беларусі: вырабах з саломкі, ільну, гліны. Праз мастацкую дзейнасць развіваюць увагу, мысленне, уяўленні, творчыя здольнасці, выхоўваюць цікавасць да дэкаратыўна-прыкладнога мастацтва Беларусі, паважлівыя і беражлівыя адносіны да працы народных майстроў.

Пры наведванні «Беларускай хаткі» дзеці з выхавальнікам адправіліся ў падарожжа, у «Горад Майстроў». Пабывалі ў майстэрнях «Залатая салома», «Ільняныя цуды», «Гліняная скарбонка», «Мастацкая майстэрня», дзе пазнаеміліся з цудоўнымі, непаўторнымі вырабамі. Гулялі ў гульні «Упрыгож прадмет словам», «Лянок!». А потым размалёўвалі гліняныя званочкі.

Узбагачэнне ўяўленняў дзяцей аб нацыянальнай культуры спрыяе далучэнню іх да культурнай спадчыны нашага народа.

Намеснік загадчыка па асноўнай дзейнасці Цімкова Таццяна Іванаўна