“На кожнай сцяжынцы іх песня і голас…”

2017-04-07

6 красавіка 2017 года ў дзяржаўнай установе адукацыі «Сярэдняя школа № 26 г. Магілёва» для вучняў шостых класаў настаўнікам беларускай мовы і літаратуры Супіталёвай Н.К. праведзена літаратурная гасцёўня «На кожнай сцяжынцы іх песня і голас», прысвечаная 135-гадоваму юбілею з дня нараджэння Янкі Купалы і Якуба Коласа.

Да літаратурнай гасцёўні вучні падрыхтавалі міні-зборнікі любімых вершаў паэтаў-юбіляраў, чыталі абраныя вершы. Цікава праходзіла прэзентацыя ўласных зборнікаў паэзіі, якія папоўнілі паэтычную капілку кабінета беларускай мовы і літаратуры. Мерапрыемства садзейнічала пашырэнню ўяўлення вучняў пра разнастайнасць лірыкі Я.Купалы і Я.Коласа. Вучні з цікавасцю дэманстравалі навыкі даваць самастойную ацэнку лірычным творам.

Кіраўнік метадычнага аб’яднання настаўнкаў беларускай мовы і літаратуры Супіталёва Н.К.