Традыцыйна і пазнавальна

2017-02-21

Дэкада роднай мовы ў дзяржаўнай установе адукацыі «Сярэдняя школа № 26 г. Магілёва» пачалася традыцыйна з гульні-конкурсу «Буслік-2017», у якім прынялі ўдзел вучні 4-11 класаў.

Дзякуючы ініцыятыве і творчаму падыходу да выкладання свайго прадмета нашых настаўнікаў, вучні цікавяцца вывучэннем роднай мовы і літаратуры і з задавальненнем прымаюць удзел у гэтым цікавым і карысным спаборніцтве.

У гэты ж дзень вучні 8-х класаў пабывалі на пастаноўцы «СКАРЫНА» Магілёўскага абласнога драматычнага тэатра. У іх была магчымасць пазнаёміцца з цікавымі фактамі біяграфіі беларускага першадрукара. Дзякуючы дэкарацыям спектакля, вучні змаглі на нейкі час перанесціся ў мінулае, пазнаёміцца з адкрыццямі таго часу, перажыць драматычныя старонкі з жыцця Скарыны. Сярод удзельнікаў спектакля быў і сапраўдны тыгровы пітон Зіна!

Хамянкова В.У.,
настаўнік беларускай мовы і літаратуры