Конкурс чытальнікаў у яслях-садзе № 43 г. Магілёва

2017-02-09

У рамках адзінага беларускамоўнага дня ў дзяржаўнай установе адукацыі «Яслі-сад № 43 г. Магілёва» прайшоў конкурс выразнага чытання вершаў на беларускай мове.

Журы ацэньвала веданне тэксту твора, інтанацыйную выразнасць прамовы, выкарыстанне тэатральных выразных сродкаў (мімікі, жэстаў, рухаў), уменне трымацца на публіцы, падбор касцюма, атрыбутаў, адпаведных зместу твора.

Удзельнікі конкурсу старанна рыхтаваліся і вельмі хваляваліся. Кожны стараўся прачытаць верш як мага лепей. Творы падбіралі бацькі, неабходную дапамогу аказвалі выхавальнікі груп. Конкурс быў упрыгожаны музычнымі паўзамі з удзелам выхаванцаў старэйшай группы, музычнага кiраўнiка Сталеўскай-Зарыла Ю.У.

Напрыканцы конкурсу ўсе чытальнікі атрымалі медалі i размалёўкі.

Намеснiк па асноўнай дзейнасцi
Борыкава Н.У.