Няхай гучыць «Фізкульт - ура!»

2016-06-28

Менавіта пад такім дэвізам прайшоў у дзіцячым садку № 86 г. Магілёва тыдзень фізкультуры і спорту.

Усе запланаваныя віды дзіцячай дзейнасці ў гэты перыяд былі накіраваны на ўмацаванне здороўя выхаванцаў, развіццё навыкаў здаровага ладу жыцця, выхаванне фізічнай культуры асобы дашкольнікаў. На кожны дзень тыдня педагогі размеркавалі разнастайныя тэмы з улікам інтарэсаў і ўзроставых асаблівасцей дзетак. Гутаркі, гульні, пазнавальная практычная і мастацкая дзейнасць, рухомыя гульні і забавы былі арганізаваны па тэмах: «Сябруем з фізкультурай», «У горадзе спартыўных гульняў», «Алімпійскі рух», «Будзь здароў!», «Шлях да добрага здароўя». Скончыўся тыдзень вясёлым фікультурным святам «Спорт -гэта здароўе», у якім прынялі ўдзел усе выхаванцы дашкольнай установы.

Тыдзень фізкультуры і спорту скончыўся, але большая частка лета яшчэ наперадзе, і нашых дзетак чакаюць новыя праекты і новыя магчымасці для аздараўлення.

Iрванцова В.В.,
намеснік загадчыка
па асноўнай дзейнасці