Праект «Беларускія ўікэнды» стартуе ў г. Магілеве. 1-3 верасня ў 18.00 ў кінатэатры «Космас»

2017-08-30

Магілёўскае дзяржаўнае прадпрыемства «Кінавідэапракат» запрашае першага верасня ў 18.00 ў кінатэатр «Космас» на прэм’ерны паказ анімацыйнага фільма «Маленькі прынц», знятага па твору французкага пісьменніка і авіятара Антуана дэ Сэнт-Экзюперы. У кінамерапрыемстве прымуць удзел кіраўнік праекта «Беларускія ўікэнды» Андрэй Кім і акцёр агучкі фільма Сяргей Жбанкоў. Паказ фільма пройдзе на беларускай мове. Ён прымеркаваны да Дня ведаў і Дня беларускага пісьменства.

Арганізатары праекта «Беларускія ўікэнды» сумесна з кампаніяй velcom перавыдалі кнігу «Маленькі прынц» у перакладзе Ніны Мацяш. Значная частка экзэмпляраў будзе перададзена ў бібліятэкі школ горада Магілёва.

Паказы анімацыйнага фільма «Маленькі прынц» працягнуцца 2 і 3 верасня ў кінатэатры «Космас» (Пушкінскі пр-т, 10) у 16:00. Падрабязнасці на mogilevkino.by.