Конкурс для будучых гісторыкаў абвясцілі БДУ і МДУ

2017-07-18

Пра старт IV Міжнароднага расійска-беларускага конкурсу студэнцкіх навуковых работ «Агульны шлях да Вялікай Перамогі: подзвіг народаў бессмяротны» паведаміла прэс-служба БДУ. Гэта сумеснае мерапрыемства гістарычных факультэтаў БДУ і Маскоўскага дзяржаўнага ўніверсітэта імя Ламаносава.

Мэта конкурсу — папулярызацыя гістарычных ведаў, стымуляванне цікавасці да вывучэння гісторыі і стварэнне ўмоў для даследчага ўзаемадзеяння студэнтаў з Расіі і Беларусі.

Удзельнікамі конкурсу могуць стаць студэнты гістарычных факультэтаў ВНУ ўсіх краін постсавецкай прасторы незалежна ад курсу навучання, спецыяльнасці, кафедры і формы атрымання адукацыі. Тэмай праектаў канкурсантаў можа стаць айчынная і замежная гісторыя, этналогія, археалогія, гісторыя мастацтваў. Навуковая работа можа быць выканана індывідуальна або ў суаўтарстве (але не больш як тры аўтары).

Конкурс пройдзе ў два этапы: завочны і вочны. Вынікі першага тура будуць вызначаны 10 кастрычніка. Фінал пройдзе з 1 па 3 лістапада ў Маскоўскім дзяржаўным універсіце, дзе адбудзецца публічная абарона навуковых работ.

Для ўдзелу ў конкурсе неабходна запоўніць анлайн-заяўку. Матэрыялы прымаюцца да 30 верасня.

«Звязда»